Yağlı dəri və ona necə qulluq etməli

Yağlı dəri, xüsusi və müntəzəm baxım tələb edən dəri tipidir. Yağlı dəriyə düzgün qulluq etmək üçün ilk öncə bu sahədə bir mütəxəssislə məsləhətləşib, sizə uyğun gələcək kosmetik vasitələr və prosedurlar seçmək vacibdir. Məhz bu cür siz hüceyrələrin yenilənməsi prosesini sürətləndirə və dərinizi maksimum nəmləndirə biləcəksiniz.

Yağlı dəri haqqında ümumi məlumat

Yağlı dəri — sebumun həddindən artıq istehsalı ilə fərqlənən dəri növüdür. Bu problem hər yaşda kişilərdə, qadınlarda və hətta uşaqlarda belə ola bilər. Yağlı dəri problemi ilə ən çox 25 yaşadək gənclər rastlaşır. Əksər hallarda, zaman keçdikcə və hormonal fon normallaşdıqca yağlı dəri qarışıq dəri ilə əvəz edilir. Lakin siz genetik olaraq yağlı dəriyə meyilli olduğunuzda bu problem həyatınız boyunca davam edə də bilər.

Yağlılıq əlamətləri əsasən üzün T-zonasında (çənə, burun və aln) yaranır, çünki yağ bezləri ən aktiv şəkildə məhz bu bölgələrdə fəaliyyət göstərirlər. Lakin, buna baxmayaraq, baş və bədəndə də yağlı dəri halları ilə qarşılaşmaq mümkündür.

Yağlı dərinin əsas səbəbləri

Yağlı dərini normallaşdırmaq üçün sebumun artmasına səbəb olan amilləri müəyyənləşdirmək vacibdir. Əsas səbəblər bunlardır:

• Hormonal faktorlar – yetkinlik dövründə hormon sıçrayışları sebum ifrazını artırır.

• Hidrobalansın pozulması – dəri susuz qaldıqda qoruyucu baryer zəifləyir və sebum ifrazı artır.

• Genetik meyillilik – yağlı dəri çox vaxt valideynlərdən miras qalır.

• Yalnış qulluq – aqressiv məhsullar, spirtli toniklər, sərt skrablar sebum istehsalını gücləndirir.

• Ətraf mühit – günəş şüaları və xarici təsirlər əvvəlcə müvəqqəti yaxşılaşma yaratsa da, sonradan məsamələrin normal nəfəs almasını çətinləşdirərək vəziyyəti pisləşdirir.

• Stress və yuxusuzluq – kortizol hormonunun artması yağ bezlərinin aktivliyini yüksəldir.

• Qidalanma – yağlı, şirin, ədviyyatlı və duzlu yeməklər dəriyə mənfi təsir göstərir. Rasionda tərəvəz, meyvə, balıq və yağsız ət üstünlük təşkil etməlidir.

Yağlı dəriyə qulluq

Stressi minimuma endirmək, düzgün qulluq vasitələrindən istifadə etmək, sağlam qidalanmaq yağlı parıltı və sebumun həddindən artıq istehsalı problemini həll etməyə kömək edəcəkdir. İndi isə yağlı üz dərisinin öhdəsindən gəlməyə nə kömək etdiyini daha ətraflı müzakirə edək.

Problem ondadır ki, sızanaq və yağlı parıltıdan qurtulmaq üçün bir çox insan yağlı dərini qurutmaq lazım olduğunu düşünür. Buna cavab olaraq dəri daha çox sebum istehsal etməyə başlayır. Buna görə də, yağlı dəri üçün onun mənfi təzahürlərini azaldacaq mərhələli qulluq seçmək vacibdir. 

Yağlı dəriyə qulluq zamanı məhsulların pH balansına da diqqət yetirmək vacibdir. Normal dəri üçün optimal pH göstəricisi 4.5–5.5 arasıdır. Bu balans qorunduqda dəri öz qoruyucu baryerini saxlayır, bakteriyaların çoxalması və iltihablanma ehtimalı azalır. Çox qələvi və ya turş tərkibli vasitələr dərinin təbii mühitini poza bilər ki, bu da sebum ifrazının artmasına və səpgilərin yaranmasına səbəb olur. Buna görə də, yağlı dəri üçün seçilən təmizləyici gel, tonik və nəmləndirici kremlərin mütləq şəkildə pH balanslı olmasına diqqət edin.

Dəriyə qulluq mərhələləri:

1. Təmizlənmə. Yağlı dəriyə qulluq səhər və axşam hidrolipid balansı pozmadan təmizlənmədən başlayır. Bakteriyalarla mübarizə aparan və sebum ifrazını tənzimləyən gel və ya köpük daha uyğundur. Dərini qurutmayan məhsul seçmək vacibdir, əks halda yağlanma daha da artacaq. Üzü soyuq olmayan, ilıq su ilə yumaq məsamələrin yığılmasına kömək edir. Daha rahat seçim üçün  Pure Menthe seriyasından olan yağlı dəri üçün üz yuma gelindən  istifadə edə bilərsiniz.

2. Aşındırma. Aşındırma dərini yeniləməyə, məsamələri təmizləməyə, ölü dəri hüceyrələrini aradan qaldırmağa və dərini daha parlaq etməyə köməklik edir. Qaydalara əsasən, pilinq effektə malik məhsullardan həftədə 1-2 dəfədən çox olmayaraq istifadə etmək lazımdır. Bunun üçün yumşaq skrablar, AHA tərkibli məhsullar, həmçinin gil və kömür ilə maskalar uyğundur. Üzünüzdə səpgi olduğu halda skrabdan istifadə etmək tövsiyə edilmir.

3. Tonlaşdırma. Hər dəfə üzünüzü yuduqdan sonra, təmizlənmə mərhələsini düzgün başa çatdırmaq üçün və dərini növbəti qulluq mərhələlərinə hazır etmək üçün tonikdən istifadə etmək lazımdır.

4. Nəmləndirmə. Bir çoxları səhvən yağlı dərinin müntəzəm nəmləndirməyə ehtiyaci olmadığını düşünür. Əslində bu yanlış bir fikirdir. Əksinə, yüngül kremlərdən istifadə etdiyinizdə, artıq sebum istehsalını da azaltmış olursunuz. Bundan əlavə, bu növ qulluq vasitələri dərini matlaşdırır, sakitləşdirir və qoruyucu baryerini bərpa edir. Bunun üçün Sebo Active Clear seriyasından olan yağlı dəri üçün nəmləndirici ideal seçimdir. 

Yağlı dəriyə qulluq görünə biləcəyi qədər çətin bir şey deyil. Doğru məhsullar və müntəzəm qayğı ilə siz parıltını nəzarətdə saxlaya, məsamələri daha sağlam göstərə və dərinizin ümumi vəziyyətini nəzərəçarpacaq dərəcədə yaxşılaşdıra bilərsiniz.

Yağlı dərilər üçün pilinq

Yağlı dəriyə ən gözəl qulluq yollarından biri də məhz “peeling”dir. Bu prosedurun sayəsində dəri çirklərdən azad olur, görünüşü yaxşılaşır, məsamələr açılır, dəri daha yaxşı nəfəs alır və yenilənir. Xüsusilə yağlı dərilər üçün skrab və pilinq vasitələri qara nöqtələri, artıq sebumu aradan qaldıraraq dərini hamarlaşdırır və tonunu tənzimləyir.
Mütəxəssislər tərəfindən həyata keçirilən pilinq ilə siz daha nəzərəçarpan effektə nail ola biləcəksiniz:

• Üz dərisinin rəngi və strukturu düzəlir;

• Prosedur iltihab əleyhinə təsir göstərir;

• Sebum ifrazı normallaşdırılır;

• Hialuron turşusunun istehsalı təhrik olunur;

• Dəri nəmləndirilir.

Daha yaxşı bir nəticə əldə etmək üçün pilinqi terapevtik qulluq və mezoterapiya ilə birləşdirmək olar.

Yağlı dəri üçün kremlər və maskalar

Əgər dəriniz yağlıdırsa, krem və yağlı dəri üçün maskalardan istifadə etməyi də unutmayın. Bu cür məhsullar bütün çirki sovuraraq, məsamələri təmizləyir və dəri hasilini azaldır. Mağazalarda siz yağlı dəri üçün ideal olacaq müxtəlif maskalar və kremlər tapa bilərsiniz.

Yağlı dəri üçün xüsusi qulluq xətləri də mövcuddur. Təbii tərkibli bu seriyalara məsamələrin təmizlənməsi üçün losyon, təmizləyici gel-qommaj, nəmləndirici krem, yağlı dəri üçün maska və lokal tətbiq üçün SOS-vasitə daxildir. Bundan əlavə, məsamələri təmizləyən kömür və ya gil maskalarını, nanə tərkibli üz yuma gellərini, tonerləri və miselyar suları da sınaya bilərsiniz.

Digər metodlardan istifadə edərək dərini normal vəziyyətdə saxlaya və əlamətlərin şiddətini minimuma endirə bilərsiniz. Yağ bezlərinin işini bərpa etmək və sebum ifrazını azaltmaq üçün bir çox kosmetoloji prosedurlar da mövcuddur.

Yağlı dəriyə qulluq etməkdə sizə köməklik edəcək ən keyfiyyətli məhsulları onlayn şəkildə veb-saytımızdan sifariş edə və ya filiallarımızdan birinə yaxınlaşaraq, əldə edə bilərsiniz.