Yağlı saçlar və onlarla necə mübarizə aparmaq olar

Yağlı saçlar həll edilməsi çətin, lakin mümkün olan yayılmış bir problemdir. Bu növ saçlara sahib olan insanlar hər gün duş qəbul etsələr də, gün ərzində saçları yenidən yağlanır. Hər səhər dərsə və ya işə getmək üçün, oyanıb yağlı saçlarla qarşılaşmaq da olduqca cansıxıcı bir məsələdir. Bu problemlə mübarizə aparmaq üçün nə etmək lazımdır?

Bunun üçün, məsələn, məqalimizdə qeyd edilən faydalı məlumatlarla tanış olmaqdan başlaya bilərsiniz.

Yağlı saçlar haqqında ümumi məlumat

Yağlı saç tipinə yuyulmadan birinci və ya ikinci günün sonunda yenidən yuyulmağa ehtiyacı olan saçlar aiddir. Adətən, bu vaxta qədər onlar yağlanaraq, həcmlərini itirirlər.

Saçlarınızın həqiqətən də yağlı olduğunu təsdiq edəcək başqa hansı ipucuları mövcuddur?

• Yağlı və səliqəsiz görünür;
• Saç düzümününün normal qalma müddəti digər saç növlərində olduğundan daha qısadır;
• Çox tez çirklənir (toz hissəcikləri yağlı saçlara asanlıqla yapışır).

Qeyd olunur ki, yağlı saç sahibləri daha çox düz saçlı qaraşınlar olur.

Yağlı saçların əsas səbəbləri

Trixoloq və dermatoloqlar qeyd edirlər ki, saçların özləri yağlı ola bilməzlər, çünki onlar yağ bezlərindən məhrumdurlar. Bundan nəticə çıxarırıq ki, bu problem saçlardan deyil, məhz saç kökünün yerləşdiyi baş dərisindən irəli gəlir.

Saç kökünün yerləşdiyi hər follikula yağ bezləri ilə bitişir. Normal vəziyyətdə, onlar baş dərisinin hidrolipid baryerini yaratmaq və saçın uzunluğunu və uclarını xarici neqativ təsirlərdən qorumaq üçün optimal miqdarda sebum istehsal edirlər. Yağ bezlərinin fəaliyyətinin pozulması sebum istehsalının artmasına səbəb olur, nəticədə saçlar tez yağlanır.

Yağ bezlərinin belə bir reaksiyasına nə səbəb ola bilər? Bir qayda olaraq, saç yağlılığı daxili və ya xarici səbəblərin, bəzən isə onların sintezinin nəticəsidir:

• Qidalanma. Xəmir, yağlı, ədviyyatlı yeməklər və şirniyyatlar — bütün bunlar sebum istehsalını artıra bilər.
• Saçların düzgün rejimdə yuyulmaması. Yağlı saçlarla mübarizə aparmaq üçün yuyulma arasındakı dövrləri uzatmaq və ya qısaltmaq heç bir nəticəyə gətirməyəcək.
• Saç baxımında səhvlər. Saç qulluğu üçün nəzərdə tutulan yağları heç zaman baş dərisinə tətbiq etməyin. Bilmək vacibdir ki, maskalar və digər qulluq vasitələri saç kökləri üçün nəzərdə tutulmayıb.
• Hormonal balansızlıq. Bir çox qadın vaxtında endokrinoloqa müraciət edərək, yağlı saçlardan qurtula bilər. Kişi və qadın cinsi hormon balansının pozulması, bir qayda olaraq, baş dərisi və üz dərisində aktiv yağ istehsalına səbəb olur.
• Həyat tərzi. Pis vərdişlər, qeyri-normal gecə yuxusu və streslər həm baş dərisinin vəziyyətinə, həm də bütövlükdə bədənə mənfi təsir göstərir.
• Ekologiya. Zərərli qazlarla və yaxud digər maddələrlə dolu hava yağ bezlərinin dərinin qoruyucu baryerini gücləndirməsinə səbəb olur.
• Genetika. Təyin edilib ki, dəri yağlılığı genetik olaraq, nəsildən-nəsilə də ötürülə bilər.
• Saç strukturu. Qıvrımlar yağ bezlərinin ifrazını düz saçlardan daha yaxşı mənimsəyir, bu səbəbdən onların kökləri daha uzun müddət təmiz görsənir.
• Bəzi xəstəliklər. Çox zaman mədə-bağırsaq traktı və qalxanabənzər vəzi xəstəlikləri ilə mübarizə aparanlar yağlı saç problemi ilə qarşılaşmalı olur.

Beləliklə, yağlı saçlarla mübarizə aparmaqdan öncə, problemin səbəbini anlamağınız doğru olar.

Yağlı saçlar tökülür?

Bir çox insan saç tökülməsindən əziyyət çəkir. Lakin nəzərə almaq vacibdir ki, saçlar daima yeniləndiklərinə görə, onların gün ərzində tökülməsi də normal bir prosesdir. Saçlarınızın həddindən artıq çox miqdarda töküldüyü halda isə trixoloqa (saçların müalicəsi üzrə mütəxəssis) müraciət etməyinizi tövsiyə edirik. Tələb olunduqda həkim sizi endokrinoloq, nevropatoloq və digər həkimlərin müayinəsinə yönləndirəcək. Saç tökülməsini stres, uşaq doğulması və yaxud hər hansı bir xəstəlik də səbəb ola bilər.

Yağlı saçları hansı tezlikdə yumaq lazımdır?

Bir tərəfdən bu sual ritorik görsənə bilər, lakin digər tərəfdən də bu sual bir çoxlarını hələ də narahat edir. Ümumiyyətlə, həkimlər yağlı saçları hər gün yumağa tövsiyə etmirlər. Çünki bu cür baş dərisinin sebumdan ibarət qoruyucu baryeri məhv ola bilər.

Yağlı saçlara qulluq məsləhətləri

Kompleks yanaşma yağlılığı tənzimləməyə, saçlara sağlam və baxımlı görünüş bəxş etməyə imkan yaradır. Bunu etmək üçün hər həftə gözəllik salonuna baş çəkməyə ehtiyac yoxdur. Sadə qaydalara riayət etmək kifayətdir:

• Yağlı saçlar üçün xüsusi şampunlar seçin. Düzgün seçilmiş məhsullar saçları, baş dərisini qurutmadan, effektiv şəkildə təmizləyəcək. Seçim zamanı təbii bitki ekstraktları və yağları ehtiva edən şampunlara üstünlük verməyə çalışın. Tərkibində gicitkən, adaçayı, dəniz yosunları ekstraktları və s. olan şampunlar yağlı saçlar üçün daha uyğun hesab edilir. Məsəl üçün, Yves Rocher brendinin yağlı saçlar üçün xüsusi bir seriyası mövcuddur. Ümymiyyətlə, saçlarınızı hər gün yumalı olursunuzsa, bu məqsədlə saçların gündəlik yuyulması üçün nəzərdə tutulan yumşaq bir şampundan istifadə etməyiniz daha uyğun olar. Saçların yaxalanması üçün 1 litr suda 1 xörək qaşığı sirkə həll edilməsi ilə alınan məhluldan da istifadə edə bilərsiniz.
• Yuma zamanı çox isti sudan istifadə etməyin, çünki yüksək temperatur yağ bezlərini aktivləşdirir. Sonda saçınızı sərin su ilə yaxalaya bilərsiniz – bu, məsamələri daraltmağa və qulluq vasitələrinin təsirini uzatmağa köməklik edəcəkdir.
• Balzam və maskaları baş dərisinə tətbiq etməyin. Bu cür məhsullar saçların uzunluğu boyunca tətbiq edildikdə daha yaxşı effekt göstərir.
• Saç qurudan fenlərdən və digər vasitələrdən istifadə etməməyə çalışın. Fendən istifadə edildikdə saçlar daha tez yağlanır və təbii həcmini itirir.
• Saçınızı daha az darayın. Hər darama baş dərisindəki yağ bezlərini stimullaşdırır. Nəticədə, sebumu köklərdən saçların bütün uzunluğu boyunca yayacaqsınız. Gün ərzində saçınızı az darasanız, saçınız daha uzun müddət təmiz qalacaq.

Yağlı saçlara qulluq etdikdə aşağıda qeyd edilən əsas 3 addıma riayət etsəniz, nəticələri tezliklə görə biləcəksiniz:

Saç quruducu fendən və ya digər alətlərdən mümkün qədər az istifadə olunmalıdır. Saç düzümlərinizi də çalışın buna əsaslanaraq seçin.

Yves Rocher brendinin istehsal etdiyi şampunların sulfatsız formulası çirkləri effektiv şəkildə aradan qaldırır, kəpəyin yaranmasının qarşısını alır. Təbii yağlar və bitki mənşəli maddələr baş dərisinin qıcıqlanmasını sakitləşdirir, qızartıları aradan qaldırır və saçları intensiv şəkildə nəmləndirir. Brendin yağlı saçlar və quru uclar üçün maska və kondisionerləri isə əlavə qidalanma və nəmləndirməni təmin edir.

Yves Rocher onlayn mağazasında siz əlverişli qiymətlərlə istədiyiniz məhsulu əldə edə bilərsiniz. Bəyəndiyiniz məhsulların saytımızdan sifariş etmə qaydası ilə daha yaxından tanış olmaq üçün bura keçid etməyinizi sizdən xahiş edirik. Çatdırılma Azərbaycanın Bakı, Gəncə, Sumqayıt şəhərləri üzrə mümkündür. Sərfəli qiymətə saç üçün keyfiyyətli krem əldə etmək üçün Yves Rocher butiklərinə həftəiçi hər gün müraciət edə bilərsiniz.